|
میرهکهم
لهسهر بناخهی میره بچکۆڵانهکه، نووسینی ئانتووان دی سێنت ئێگزۆپڕی دیمه ن: که تێک له سه یرانگه یه کی گشتي . کابرای یه ک دانیشتووه و کتێبێکی گهورهی پیتۆڵی بهدهستهوهیه وبه دهنگێکی خێچ وخوار ده یخوێنێتهوه و لهگهڵ خوێندنهوهدا سهریدهلهقێنێ. کابرای یه ک: پیتۆڵينوێچبیهوێچنهیهوێدهبێگۆڕانبهمهسهلهیسهرهکيخۆبناسێ.ههمووشتێ کاردهکاتهسهرههمووشتێ و لهههمووشتێکیش تهئسیر وهردهگرێ یانی ههمووساتێ دهگۆڕدرێ وهیچ شتێ ئهوشتهی ساتێ لهمهو پێش نییهو ئهوشتهی ساتێ لهمهو دوایش نابێ. ههرشتێ به پێ ی تووانی خۆ تهئسیر دهکاو تهئسیر وهردهگرێ جا که واته مرۆڤ که توواناترین شته تهئسیریشی زیاتره و زیاتریش تهئسیر وهردهگرێ یانی زۆرتر دهگۆڕدرێ و ههر بهم پێ یه ناسینی مرۆڤ گهلێ دهگمهنه و تهنانهت دهکرێ بوترێ ههرگیز ناناسرێت و ئهوانهی که سهبارهت به مرۆڤێکی تر حوکم دهدهن له راستهقینهدا نهزانین و ساۆیلکهي خۆ دهسهلمێنن و زانا ئهوکهسهیه که مهند و هێمن بێ و زیاتر بیر بکاتهوه و کهمتر بیرواری خۆ دهرببڕێ و به شکهوه شتێ دهست نیشان بکات و .... (کتێبهکه دهبهستێ) پهکهوو...ئهمهیه ئهڵێن:بهیتیبلهوشانامهیکهرهشین...دڵیخۆشهکتێبینووسیوه. درێژهدادڕی زۆر بڵێ... یهک وشهیشی راست نی یه... یانی چی؟!مرۆڤ چۆن مرۆڤ ناناسێ؟!ههر کهس دوو وشه ته ک ههرکهسێکا قسه بکات ئهیناسێ و ئهزانێ چۆن مرۆڤێکه... گشت کهس بهقهدخۆعهقلی ههیه... ئهسڵهنرهنگوروولهدوورهوههاوارئهکات.مرۆڤیباشخوێنشیرینه،ئێسکسووکه، جوان ورازاوایه،ئهچێتهناودڵی مرۆڤۆ، مرۆڤی خراپیش خوێن تاڵه،ئێسک گرانه، ناچێته دڵی مرۆڤۆ.ئهمه ئیتر شک و گومانی بۆ چیه؟ ئهوهی عاقڵ بێ عهقڵی ههیه و زانایه،ئهوهی گێژوحۆل بێ کهم عهقڵه... ئهمانه گشتی قسهیه... مرۆڤ خۆی له دوورهوه هاوار ئهکا... (کابرایهکی تهمهن چل و پێنج ساڵ به گۆچانێکهوه دێت .هێدی ههنگاو ههڵدهگرێ و چاوی بڕیوهته ئاسمان) ئهوهتا.مهرج ئهکهم ساخ نییه.شێته،یاخۆ هیچ نهبێ نهخۆشی رهوانی ههیه. (کابرای گۆچان بهدهست ئهگاته بهردهم کابرای یهک) کابرای دوو: سهلام. کابرای یهک: (روو له بینهران)نهمووت!(روو له کابرای دوو)عهلهیکوموسهلام. کابرای دوو: (کابرای دوو ههروهها که چاو له ئاسمان دهکات)ئیزن ئهفهرموون دانیشم؟! کابرای یهک: (چاو له بینهران دادهگرێ یانی نهمووت)تکائهکهم... فهرموون. (کابرا دائهنیشێ و تماشای ئاسمان ئهکات،کابرای یهک دهروانێته سهرتاپای) کابرای دوو: (ناکاو) ببورن... ئێوه کاربهدهستن؟! کابرای یهک: بهڵێ کابرای دوو: کاربهدهستي خۆشه؟ کابرای یهک: مهبهست؟! کابرای دوو: هیچ.له خۆڕا پرسیارم کرد. کابرای یهک:فهرموون جهنابتان چ کارهن؟! کابرای دوو: من؟ من فڕۆکهوانم. کابرای یهک: فڕۆکهوان!!؟ کابرای دوو: بهڵێ. کابرای یهک: (بهگاڵتهوه) کهواته بۆیه ههر چاو له ئاسمان دهکهن.فرۆکهکهتان له ئاسمانه. کابرای دوو: (زویر)نا...نا... من چاوهروانی هاتنی ئهستێرهکان دهکهم. کابرای یهک: (گاڵتهدهکات) ئێ!! کابرای دوو: بهڵێ.تهمایهرم ئهستێرهکان بێن... یانی راستت دهوێ ، هیوا دارم میرهکهم ببینم. کابرای یهک: میرهکهت!؟ کابرای دوو: مهبهستم میربچکۆلهیه که له یهکێ لهو ئهستێرانهدا دهژي... کابرای یهک: که واته (ههڵدهستێ و بهپهله کتێبهکهی ئهداته بن ههنگڵی) من ئهبێ بڕۆم... دێره... مزاحل تۆ و میرهکهشت نهبم چاتره... کابرای دوو: (بزه دهگرێ) تکائهکهم... فهرموو...(کابرای یهک بهپهلهرێ ئه که وێ)خوات لهگهڵ... کابرای یهک: خواحافیز(دهست بۆ کابرا و بۆ جهماوهر تهکان ئهداو ئهڕوات،کابرای دوو روودهکاته بینهران) کابرای دوو: وابزانم پی وابوو شێتم... ههڵبهت تاوانی نییه.نه ئهو و نه هیچ کام لهو مرۆڤه گهورانهی که تاقه ههنگاوێ له دنیای رازاوهی مناڵي دوور کهوتبێتنهوه پهی به گرنگی ئهم مهسهلهیه نابهن.ئهوان ئهوهی بهلایهنهوه ههره گرنگ بێ حهسێبی پاره و گیرفانیانه و وهسهلام... بهڵێ بهڕێزان. ئهمه چهژهی تاڵی چل و پێنج ساڵ ژیانی منه... من فرۆکهوانم. ههڵبهت له مناڵیا حهزم له وێنهکێشان بوو...بهڵام بهداخهوه... ههر وێنهیهکم ئهکێشا و نیشانی مرۆڤه گهورهکانم ئهدا له باتي گشت نامهخوا و ئافهرینێ دهس بهجێ پرسیاریان دهکرد: ئهمه ئیتر چیه؟! ئهوسا ئهمزانی که نابێ باسی دارستان و ئهستێره و سوروشتیان لهگهڵ بکهم و به ناچار خۆم تا رادهی ئهوان ئههێنا خوار و باسی رامیاری و مۆد و پارهم بۆ ئهکردن و ئهو مرۆڤه گهورانهیش دڵشاد ئهبوون که من تا ئهو راده زانام... رهنگه دهگمهن بێ که گهورهکان له زۆرشت تێ بگهن و ههڵبهت بۆ منداڵهکانیش ههڵناسوڕێ که ههمیشه و ههمووکاتێ ، گشت مهسهلهیهک بۆ گهورهکان
ورد شی بکهنهوه و حاڵییان بکهن.ئهنجام هاتمه سهر ئهوهی که بۆ رزگاربوونی خۆ فێری ئیشێکی تر ببم و فرۆکهوانی فێر بووم. بهڵێ بهڕێزان!بوومه فڕۆکهوان و رۆژێک فڕۆکهکهم له سارایهکی بهر بڵاوا خراپ بوو. ناچار نیشتمهوه و خهریکی چاک کردنی بووم... (یاري خۆی دهس پێدهکات)جێ نهمابوو خراپ ببی ئهم کاول بووه نهبێ... ههتا چاو ههتهر ئهکا،جگه له سارایهکی وشک و برین هیچ شتێ دیار نییه، لام وایه دوپشکیش خۆ لهم سارادا ناگرێ... ئای... وا دهم بهیانه و مانوویهتی بهرۆکی گرتووم.وا چاکه پشووێ بدهم.(خۆیدهکێشێتهوه)... ئا...ی... (دهنوێت،کازێوهیه،میربچکۆلانه دێته ژوور سهری) میر:بهزهحمهت نهبێ ، مهڕێکم بۆ بکێشه... بهزهحمهت نهبێ ، مهڕێکم بۆ بکێشه... کابرای دوو: (له خهو رادهچهنێ،دهترسێ)چی؟! میر: مهڕێکم بۆ بکێشه! کابرای دوو: (چاوهکانی ههڵدهگوڵۆڤێ و سهری سووڕماوه)تۆ...تۆ لێره چ دهکهی؟! میر: تکات لێدهکهم. مهڕێکم بۆ بکێشه.(کابرا لهتێ کاغهز و قهڵهمێک له گیرفانی دهردێنێ بهڵام زوو سارد ئهبێتهوه) کابرای دوو: (به ئهخم و تهخمهوه)من نازانم... میر: قهید ناکا.مهڕێکم بۆ بکێشه!(کابرا وێنهیهک دهکێشێ،میر تماشای دهکات) میر: نا،ئهمه له گیانهڵڵایه...مهڕێکی ترم بۆ بکێشه... (کابرا وێنهیهکی تر دهکێشێ) کابرای دوو: هانێ (میر سهیری دهکات و سهری بائهدات) میر: نا...نا...ئهمه بهرانه.ئا شاخی ههیه... (کابرا وێنهیهکی تر دهکێشێ) کابرای دوو: هانێ... (میر سهیری دهکات) میر: نا... ئهمهیش زۆر پیره... من مهڕێکی جوانم دهوێ... (کابرای وێنهی سیپێ دهکێشێ) کابرای دوو: هانێ ئهمه سیپه و ئهو بهرفهی که تۆ ئهتهوێ ها له ناویا... (میر سهیری دهکات) میر: (بزه دهگرێ) خۆیهتی.ئهمه ئهوشتهیه که من پێویستم بوو.پێت وایه که ئهم بهرخه ئاڵفێ زۆری گهرهک بێ. کابرای دوو: (ماق ماوه)چۆن؟!! میر: (ساکار)ئاخر خانووهکهی من زۆر بچکۆلانهیه. کابرای دوو: ههڵبهت جێگای ئهم ئهبێتهوه... ئهم بهرخه زۆر ساوایه (میر سهیرێکی تری کاغهزهکه دهکات) میر: زۆریش ساوا نییه... بڕوانه.نووستوه.سپاست دهکهم. کابرای دوو: چاکه لێم گهڕێ با خهریکی فڕۆکهکهم بم. میر: فڕۆکه؟!فڕۆکه ئیتر چیه؟! کابرای دوو: فڕۆکه چتێکه وهک ماشین،باڵی ههیه،ههڵدهفڕێ. میر: (بهپهله)یانی تۆ له ئاسمانهوه هاتووي؟! کابرای دوو: ئهرێ... میر: ئهمه ئیتر زۆر سهیره(پێدهکهنێ) کابرای دوو: (توڕه لهبهر خۆیهوه)وهره ئهوه حاڵت بێ ئهم نهگبهتهیش پێت پێکهنێ. میر: که واته تۆیش له ئاسمانهوه هاتوویی... تۆ هی کام ئهستێرهی!؟ کابرای دوو: (سهر سووڕماو به تانهوه)بۆ تۆ هی ئهستێرهیهکی تری؟! میر: ئهرێ،ئهوه فڕۆکهکهته؟!به ڕای من تۆ بهم کهرهسهیه له رێگایهکه دوورهوه نههاتووی. کابرای دوو: (دیانه چیرهیهتی)تۆ...بهم لهش و لارهتهوه له کوێوه هاتووی؟ماڵتان له کوێیه،بهرخهکهی من بۆ کوێ دهبهی؟! میر: ئهو سیپهی که تۆ پێت داوم ئهوهی چاکه که شهوانه دهبێته ماڵهکهی. کابرای دوو: ههڵبهت ههگه تۆ کوڕێکی چاک بی گوریسێکیشت پێ ئهدهم که به رۆژا بیبه سیتهوه. میر: بیبهسمهوه... چۆن؟! کابرای دوو: ئاخر ههگه نهیبهسیتهوه سهر ههڵئهگرێ و ئهڕوات و ون دهبێ. میر: ئهتووانێ بڕوا بۆ کوێ؟ کابرای دوو: بۆ ههرکوێ پی خۆش بێ،رێک و راست ئهروات. میر: قهیدناکا... خانووهکهی من زۆر بچکۆڵانهیه(بهخهمهوه)مرۆڤ ههگه راست بێت و رێک بڕوات ناتوانێ زۆر دوورۆ کهوێ. کابرای دوو: نهت ووت هی کام ئهستێری. میر: ئهستێرهیهکی پرشنگداری بچووک... کابرای دوو: بێت و نهبێ هی ئهستێرهی بێ« 612ی» میر: بێ612؟!! کابرایدوو:ئهرێ.ئهمئهستێرهتهنیارایهک،ئهویشلهلایهنئهستێرهناسێکیتۆرکهوه بینراوه.ئهودهمساڵی1909بوو...ئهولهوساڵهداههراوهوریایهکیزۆریلهئهنجۆمهنی عالهمی ئهستێرهناسین کرد بهڵام بههۆی ڕواڵهت و چۆنایهتی جل و بهرگی کهس گوێی نهدایه ووتهکانی.ههڵبهت چۆن مقهدهر وابوو که ئهستێرهی بێ612 ناوبانگ پهیا بکات، دهسهڵات دارێکی مل هۆڕ له تۆرکیا فهرمانی دهرکرد که گشت خهڵکی تۆرکیا جل وبهرگی ئورووپایی له بهر کهن وههرکهس نهیکرد له داری دهن... دیاره که ئهستێرهناسهکهیش جل وبارگی ئوروپایی لهبهر کرد و له ساڵی 1920دا دیسانرایگهیاندکهئهستێرهیبێ612یدیتووهوئهمجارهگشتکهسبڕوایبهووتهکانی کرد. ههڵبهت من بۆیه وا له سهر ژماردهکه دهڕۆم چۆن ئهزانم که مرۆڤه گهورهکان ژماردهکانیان خۆش ئهوێ. کاتێ لهگهڵ ئهوان سهبارهت به هاوهڵێکی نوێ باس دهکهی هیچ کاتێ سهبارهت بهوهی کهبنهمایه، پرسیار ناکهن.هیچ کاتێ پرسیار ناکهن که بۆ وێنه ئاههنگی دهنگی ئهو چۆنه.چ جۆر یارییهکی خۆش دهوێ؟ئاخۆ پهپووله کۆدهکاتهوه؟بهڵکو پرسیارتان لێدهکهن چهن ساڵ تهمهنیهتی؟چهن برای ههیه؟باووکی چهنێ دهرئامهدی ههیه؟و تهنیا بهو لهونهیه که خهیال دهکهن ئهو دهناسن.ههگه ئێوه بهمرۆڤهگهورهکانبڵێن:منخانووێکیجوانمديلهسهربانهکهیاکۆترهرازاوهکان ههڵنیشتبوون، ناتووانن ئهو خانووه بێننه پێش چاو بهڵام پێ یان بڵێ : ماڵێکی میلیاڕد تهمهنیم دي! ئهو کاته به هاوارێکی بهرز دهنهڕێنن : به...به... چ خانووێکی جووان و رازاوه بووه!... میر: ئهمه راسته که مهڕهکان گژوگیا دهخۆن؟ کابرا: چی؟!... ئهرێ راسته. میر: زۆر چاکه،ئیتر پێویست ناکا زۆر خهریکی بژاربم... بهڵام... کابرا: بهڵام چی؟! میر: مهڕهکان گوڵیش دهخۆن؟ کابرا: ئهرێ... میر: تهنانهت ئهو گوڵانهیش که دڕکیان ههیه؟ کابرا: بهڵێ،تهنانهت ئهو گوڵانهیش دهخۆن. میر: یانی ئهو دڕکانه هیچ داکۆکیێ له گوڵ ناکهن؟ کابرا: داکۆکی دهکهن بهڵام ناتوانن گوڵ بپارێزن. میر:بهس بهوهی که داکۆکی دهکهن خۆشم دهوێن.توانین یا خۆ نهتوانین زۆر گرینگ نیه.وانی یه؟ کابرا: نازانم!... میر: ئێستا گوڵهکهی من تهنیایه.چاوهروانم دهکا... کابرا: راست دهکهی. میر: من خۆم له ناوچهی ئهستێرهکانی 325،326،327،328،329،330 دا دیت.ئهمهبوو به هۆی ئهوهی که بۆ دۆزینهوهی ئیشێک و فێربوونی زانیاریێک سهرم له ههموویان دا. کابرا: چت دي؟ میر: له ئهستێرهی ئهوهڵ دا پاشایهک دهژیا.لهسهر تهختهکی رازاوه دانیشتبوو ... کابرا: پاشا. میر: بهڵێ.پاشا کابرا:راوهسته.(کابرا وهک میر"پاشا" لهسهر تهخت دادهنیشێ) کابرا: ئاوا؟ ! میر: ئهرێ .ئاوا ... ههرکه چاوی بهمن کهوت هاواری کرد : کابرا: خۆیهتی... ئهمهیش رهعیهت. میر: تۆ چۆن من ئهناسی . خۆ تا ئێستا منت نهدیوه. کابرا: ئێجگار ئاساییه.گشت خهڵکی دنیا رهعیهتن.وهره پێشێ با چاتر بتبینم(میربه ئهسپایی ئهچێته پێش وباوێشک ئهدا) کابرا: بی بڕهوه.باوێشک دان له خزمهتی پاشادا تاوانه ومن ئیزن نادهم تۆ باوێشک بدهی. میر: ببورن من ناتووانم بهر باوێشکی خۆ بگرم.من رێگایهکی دوور ودرێژم
بڕیوه و هیچ پشووم نهداوه و ماندووم... کابرا: که وایه فهرمانت پێ ئهدهم باوێشک بدهی.دهمێ ساڵه نهم دیوه کهس باوێشک بدات.زووبه دیسان باوێشک بده .ئهمه فهرمانه. میر: ئاخر... ئاخر ئیتر باوێشکم نایهت. کابرا:ئێ ی ئێ ی... کهوایه من به تۆ فهرمان ئهدهم ههندێ جار باوێشک بدهیت و ههندێ جار باوێشک نهدهی. میر: خۆ به دهست خۆم نییه. کابرا: کهواته فهرمانت پێ ئهدهم بهدهست خۆت نهبێ. میر: ئیزن ئهفهرموون دانیشم؟ کابرا: من فهرمانت پێ ئهدهم دانیشی... میر: پاشای مهزن ... ببورن که ئهمهوێ پرسیارێکتان لێ بپرسم... کابرا: (بهپهله) من فهرمانت پێ ئهدهم که پرسیارێکم لێ بپرسی. میر: گهورهم... ئێوه حوکم بهسهر چی دا دهکهن؟! کابرا: بهسهر ههمووشتێک دا... میر: ههمووشتێ؟! (پاشا زۆر پاشایانه ئیشارهت دهکات) کابرا: ئهم ئهستێره،ئهستێرهکانی تر و... میر: گشتیانبه فهرمانی ئێوهن؟ کابرا: ههڵبهت. ههموویان گوێ به فهرمانی منن وله خزمهتی مندان. میر: چهن خۆشه.دڵم پێۆیه که جارێک داچوونی ههتاو ببینم.بهزهحمهت نهبێ فهرموون با ههتاو داچێ. کابرا:ههگهمنفهرمانبدهمبهسهردارێکمکهمیناپهپوولهچڵاوچڵبفڕێ،یاخۆچیرۆکێباش بنووسێ، یاخۆ ببێته مهلێکی زهریا و ئهو سهرداره به گوێرهم نهکات،ئهو سهرداره تاوانباره یاخۆ من؟! میر: ههڵبهت ئێوه تاوانبارن. کابرا: زۆرراسته.ئهبێ له ههرکهسێ ئهو چته داوا بکهی که دهتوانێ وله دهستی دێ.هێزودهسهڵات پێش له گشت شتێ ئهبێ پشتیوانی زانستیی له پشت بێ. ههگه تۆ به میللهتی خۆ فهرمان بدهی که خۆ له زهریادا بخنکێنن شۆڕش دهکهن. من مافی خۆمه که بمهوێ گشت شتێ گوێ رایڵی فهرمانم بێ چون فهرمانهکانی من عاقلانه و بهجێ یه. میر: ئهی کهی ههتاو دائهچێ؟! کابرا: تۆبه رۆژ ئاوا بوونی خۆت ئهگهی.من به ههتاو فهرمان ئهدهم که داچێ بهڵامبهپێیسیاسهتی دهسهڵات داري، رادهوهستم تا کاتی خۆی بگات. میر:کاتی خۆی کهی دهگات؟ کابرا:راوهستهبابڕوانمهرۆژژمێرهکهم...ئهها...ئهمشهونزیککاتژمێریحهوتو چلچرکه.ئهو کاته تۆ دهبیني که چۆن ههتاو به فهرمانی من دائهچێ.(میر باوێشک ئهداو ماندوو بوو) میر: (ههڵدهستێ)به ئیزنت من ئهمهوێ بڕۆم. کابرا: نا...نا...راوهسته...من تۆ ئهکهم با وهزیر. میر: وهزیری چی؟ کابرا: وهزیری خۆم...یانی وهزیری...وهزیری دادگا. میر: بهڵام کهسێک لێره ناژی تا پێویستی بهلێ پرسینهوه بێ. کابرا: چوزاني؟بهڵکو ههبێ...من که هێشتا وڵاتهکهی خۆم نهگهڕاوم .من تهمهنم زۆره،پیرم،پای پیاده ناتووانم و ئهسپیشم نی یه. (میر ئهنوشتێتهوه تا ئهو دیوی ئهستێرهکه ببینێ) میر: من باش چاوم لێکرد.ئهو لایش کهسی لێ نییه. کابرا: کهواته تۆ خۆت محاکهمه دهکهی.ئهمه دهگمهنترین کاره.محاکهمهی خۆ لهمحاکهمهی خهڵکی تر گهلێ گرانتره.تۆ ههگه توانیت سهبارهت به خۆت حۆکمێکی دوروست بدهی قازی راستهقینهی. میر: من ئهتوانم له گشت لایهک خۆ محاکهمه بکهم ئیتر پێویست ناکات ههر لێره بژیم. کابرا: ئێ... من پێم وایه له سوچێکی ئهم ئهستێرهی منا مشکێکی پیر دهژي.من شهوانه دهنگی خرتهخرتی دهبیسم.تۆ ئهتوانی ئهوی کهمه بکهی.ههر تاوهنهتاوێ مهحکوم به داری بکه و ههموو رایهکیش بیبهخشه.بهم لهونه ژیانی ئهو پێوهندي به عهداڵهتی تۆ ئهبێ... میر: من نامهوێ کهس مهحکوم به دار بکهم. ئیتر ئهمهوێ بڕۆم. کابرا: نا...نا... راوهسته. میر: ههگه گهورهم ئهیانهوێ فهرمانهکهیان له عهرز نهدرێ ئهبێ له رووی عقڵهوه فهرمان بدهن.بۆ وێنه به من فهرمان بدهن که ههر ئێستا ئێره جێ بێڵم و بڕۆم... پێم وایه ئهمه لانی دهسهڵات داری چاتر بپارێزێ.(کابرا وهڵام ناداتهوه) میر: (ههناسهیهک دهکێشێ)ئا...خ... کابرا: من تۆ ئهکهم به نوێنهری خۆم و فهرمانت پێ ئهدهم بڕۆی و... (میر دهڕوات.کابرا له پاشایهتی ئهکهوێ) میر: ئهم مرۆڤه گهورانه چهن سهیرن!! کابرا: بڵێ ی؟!! میر: له ئهستێرهی دووهمدا پیاوێکی خۆپهرهسم دي... (کابرا شهق و رهق رادهوهستێ) کابرا: ئاوا ؟ میر: ئێ...ههرکه چاوی به من کهوت هاواری کرد: کابرا:بهه بهه،ئهمهیشئهو لایهنگرهمکه بۆ دیتنی من دێ... بهڵێ گشت مرۆڤی دنیا لایهنگری منن. میر: سهلام ئاغه... ئهم کڵاوهی ئێوه زۆر سهیره. کابرا: ئهم کڵاوه بۆ سڵاو کردن لهو کهسانهی که چهپڵهم بۆ لێدهدهن.بهڵام بهداخهوه هیچ کاتێ کهس لێرهوه نایهت. میر: چی؟! کابرا: چهپڵه لێده...(میر چهپڵه لێدهدات،کابرا کڵاوهکهی لادهبات و دهست دهنێته سهر سینگی و سهر دادهنهوێنێ) کابرا: تکا دهکهم . (میر دیسان چهپڵه لێدهدات و دیسان ههروهک پێشتر،چهن رایهک وا دهکهن ئهنجام میر ماندوو دهبێ) کابرا: راسي من شایهنی تاریفم؟! میر: تاریف یانی چی؟! کابرا: تاریف یانی ئهوهی که تۆ بڕوات ببێ که من جوانترین،رازاوهترین،زاناترین،پارهدارترین کهسی ئهم ئهستێرهم. میر: بهڵام ئهم ئهستێره ههر تهنیا تۆی تیای. کابرا: قهید ناکا،تۆ تاریفم بکه...قهید ناکا. میر: کاکه لای تۆ خۆش(ئهڕوات)به راستي ئهم مرۆڤه گهورانه چهن سهیرن!! کابرا: دهی؟ میر:هیچ.له ئهستێرهی سێههم دا کابرایهکی عارهق خۆرم دي...(کابرا له پشت بساتی عارهق دادهنیشێ) کابرا: ئاوا؟! میر: بهڵێ ... ئاوا... پرسیارم لێکرد:چ دهکهی؟! کابرا: (به خهمهوه) دهنۆشم. میر: دهنۆشی؟! کابرا: بهڵێ... عارهق و شهراب دهنۆشم. میر: بۆ عارهق و شهراب دهخۆیتهوه؟! کابرا: بۆ فهرامۆش کردن. میر: ماڵی خهفهت کاوڵ بێ... ئهتهوێ چی فهرامۆش بکهی؟ کابرا:ئهمهوێ ترێقی خۆم فهرامۆش بکهم. میر: ترێقی ی؟له چی ترێق دهبیتهوه؟ کابرا: له عارهق خواردنی خۆم ترێق ئهبمهوه... (میر ئهڕوات.کابرا ههڵدهستێ) میر: بهراستي ئهم مرۆڤه گهورانه میرو کابرا: (پێکهوه)ئێجگار ئێجگار سهیرن. میر: ئهستێرهی چوارهم هی کابرایهکی مالیک بوو(کابرا له پشت مێزێک دادهنیشێ و دهڵێ) کابرا: (بایهک دهکاته ورگی)ئاوا؟ میر: بهڵێ،لێ ی چوومه پێش ووتم:ئاغه سهلام...(بێدهنگی،کابرا وهڵام ناداتهوه وخهریکی حهساو کردنه) میر: جگهرهکهتان کوژاوهتهوه. کابرا: سێ و دوو پێنج وحهوت دوازده و سێ پازده دوو حهفده سێ بیست و شهش بیست وشهش دهی دهکاته پانسهد و یهک میلیۆن و شهش سهد و بیست و دوههزار و حهوتسهد و بیست و شهش. میر: پانسهد میلیۆن چی؟ کابرا: ئێ ی تۆ هێشتا لێرهی؟ پانسهد و یهک ملوێن هین... چوزانم... ئهوهنده سهرم شلووقه که مهپرسه.من دهرفهتی قسهی پڕوپووچم نی یه.دوو و پێنج حهوت... میر: ئاخر پانسهد و یهک ملوێن چی؟(کابرا سهر بهرز دهکاتهوه) کابرا:له ماوهی ئهم پهنجا و چوار ساڵهی دا که دانیشتووی ئهم ئهستێرهم سێ را ئاوا سهریان لێ شێواندووم.رای ئهوهڵ بیست و دو ساڵی پێش ؛ه سی سرکێکی زهرد دهی سرکاند و من له کۆکردنهوهیهک دا چوار جار تووشی ههڵه بووم.رای دووهم یازده ساڵ لهمهوبهر که تووشی رۆماتیزم بووم.ئاخر من وهرزش ناکهم و دهرفهتی سهیران وپیاسهیشم نی یه.من کارم زۆره ورای سێههمیش که ئێستایه.بهڵێ خهریک بووم ئهم ووت:پانسهد و یهک ملوێن و... میر: ئاخر ملوێن چی؟ کابرا: ملوێن لهم شته وردانهی که جاروبار له ئاسمانا دهبینرێن. میر: مێش؟ کابرا: نا.ئهو شته وردانهی که ئهدرهوشێن و مرۆڤی تهوهزهل تووشی خهیاڵ پڵاو دهکهن. بهڵام من کارم زۆره... میر: ها.ئهستێره دهڵێ ی؟ کابرا: ئهرێ خۆیهتی.ئهستێره. میر: باشه،تۆ ئهتهوێ چ لهگهڵ پانسهد ملوێن ئهستێره بکهی؟ کابرا: چییان لهگهڵ بکهم؟! میر: بهڵێ. کابرا: هیچ من خاوهنی ئهوانم. میر: تۆ خاوهنی ئهستێرهکانی؟! کابرا: بهڵێ. میر: بهڵام من ماوهیهک لهمهو پێش پاشایهکم دي که... کابرا: پاشاکان خاوهنی هیچ شتێ نین.ئهوان <حکومهت> ئهکهن.تهوفیر ئهکا. میر: باشه چ کهڵکێکی ههیه که خاوهنی ئهو گشته ئهستێره بی؟ کابرا: کهڵکی ئهوهیه که دهوڵهمهنم. میر: باشه دهوڵهمهن بوون چ کهڵکێکی بۆ تۆ ههیه؟ کابرا: کهڵکی ئهوهیه که ئهگهر کهسێ ئهستێرهیهکی تر بدۆزێتهوه من لێ ی دهکڕم. میر: چۆن دهکرێ مرۆڤ ببێ به خاوهنی ئهستێرهکان؟! کابرا: (توڕه) مهگهر ئهم ئهستێرانه هی کێن؟ میر: من چوزانم.هی کهس نین. کابرا: کهواته هی منن.چون بهر له گشت کهسێ بیرم لێ کردهتهوه. میر: ههر ئهمه؟! کابرا: ههڵبهت.کاتێتۆ یاقوتێ ئهدۆزێتهوه که هی کهس نی یه هی تۆیه ئیتر.کاتێ تۆ زووترله گشت کهس له چتێ بیردهکهیتهوه ئهوبیره به هی خۆت دهناسێنی وئهو کاته،ئهو بیرورایه هی تۆیه.منیش خاوهنی ئهستێرهکانم چون پێش له من کهس بیری وای نهکردهتهوه. میر: باشه.بهڵام تۆ ئهم گشته ئهستێرهت بۆ چییه؟ کابرا: ئاگادارییان لێدهکهم. دهیانژمێرم و دهیانژمێرم. ههڵبهت دهگمهنه بهڵام منیش کۆڵنهدهرم. میر: من ئهتوانم شاڵ پێچهکهم لهگهڵ خۆ ببهم.ئهتوانم ههگه گوڵێکم ببێ،گوڵهکهم ههڵکهنم و لهگهڵ خۆ بیبهم. بهڵام خۆ تۆ ناتوانی ئهستێرهکان لهگهڵ خۆ بۆ هیچ لایهک بهری. کابرا: نا، بهڵام ئهتووانم له بانکیان دانێم. میر: تێ ناگهم. کابرا: ساکاره.من ژماردهی ئهستێرهکانی خۆم لهسهر پهڕهکاغهزێک دهنووسم و له گهنجهیهکی دهنێم و درگاکهی قوڵف ئهدهم. میر: ههر ئهمه. کابرا: بهڵێ ههر ئهمه. میر: من خاوهنی گوڵێکم که ههموو بهیانێک ئاوی پێ ئهدهم،ههروهها خاوهنی سێ کێوی ئاگرپژێنم که ههموو حهوتهیهک خاوێنیان ئهکهمۆ. ئهم کارانه ههم بۆ من و ههم بۆ ئهوان کهڵکی تیایه. بهڵام ئهمئهستێره ژماردنهی تۆ ههم بۆخۆت و ههم بۆ ئهستێرهکانت بێ کهڵکه. کابرا: (توڕه)یانی... (میر ئهڕوات.کابرا ههڵدهستێ) ئهم مرۆڤه گهورانه... میر: ههر ئێجگار ئێجگار سهیرن. کابرا: دهی... میر: ئهستێره پێنجهم ئێجگار سهیر بوو. له گشت ئهستێرهکان بچووک تر بوو، تاقه چرایهکی لێ بوو و کابرایهک.ههوهڵ بیرم کردهوه که له ئهستێرهیه؛ی وهها بچووک دا که نه خانووێکی تیایه و نه کهسێ ئهم چرا ئهم کابرا کهڵکیان چییه؟پێم وایه ئهم کابرا شێت بێبهڵامخۆلهپاشاوخۆخۆشهویس وعارهق خۆرومالیک شێت تر نییه، ئهمهیش خۆی کارێکه.کاتێ چراکه ههڵدهکات وهک ئهوه وایه که گوڵێ بپشکوێنێ و کاتێ دهیکوژێنێتهوه وهک ئهوهی وایه که گوڵێک بخهوێنێ . ئهمه جوان و پیرۆزه ههربۆیه لێ ی چوومه پێش ووتم:کاکه سهلام،ئهوه بۆ چراکهت کوژاندهوه؟ کابرا: کاکه رۆژ باش.فهرمانه کاکم. میر: فهرمان چییه؟ کابرا: فهرمان ئهمهیه که چراکه بکوژێنمهوه.شهوباش.(چراکه ههڵدهگرسێنێ) میر: ئهی بۆ دیسان ههڵت کردهوه؟ کابرا: فهرمانه. میر: تێ ناگهم. کابرا: تێ گهیشتنی ناوێ.فهرمان فهرمانه.رۆژ باش.(دیسان دهیکوژێنێتهوه،عارهقی تهوێڵی به دهسرهیهک دهسڕێ) زۆر ماندووم.جاران زۆر باش بوو،شهوانه چراکهم ههڵدهکردوبهرۆژا دهمکوژاندهوه،له رۆژا دهرفهتی گشت کارێکم ههبوووبه شهویشا ئهم تووانی تاوێ بنووم... میر: بهڵام ئێستا فهرمان گۆڕدراوه؟ کابرا: نا. فهرمان ههر ئهو فهرمانهی پێشووه و منیش ههر لهمه زویرم.ساڵ لهگهڵ ساڵ ئهم ئهستێره تونتر ئهسووڕێت و فهرمانیش نهگۆڕدراوه؟ میر: ئهی چی؟ کابرا: هیچ. ئێستا ئهم ئهستێره ههر دهقهیهک جارێ به دهور خۆیا ئهسووڕێ. من ئهبێ دهقهی رایهک ئهم چرا ههڵکهم و بیکوژێنمهوه. میر: زۆر سهیره،یانی لهم ئهستێرهدا رۆژ تهنیا دهقهیهکه؟! کابرا: سهیر نییه.من وتۆ مانگێکه پێکهوه قسه دهکهین. میر: گوێ راگره... ههگه بتهوێ ئهتووانم رێگایهکهت نیشان دهم که بتووانی پشوو بدهی. کابرا: ئهی چۆن نامهوێ! میر: مرۆڤ دهتووانێ لهیهک سات دا ههم وهفاداربێ و ههم تهوهزهل . ئهستێرهکهی تۆ ئهوهن چکۆلهیه که تۆ به سێ ههنگاوئهتووانی به دهوریا بگهڕێ ی. کهواته نیسکێ هیواش بڕۆی ههموو کاتێ له ژێر ههتاوای.ههر کات ویستت ماندوویهتی دهرکهی بڕۆ بهرێدا، ئهو کاته ههتا دڵت پێوه بێ رۆژ درێژ ئهبێ. کابرا: ئهمه هیچ دهردێ له من دهوا ناکات. ئهوهی من له ژیانا پێم خۆشه نووستنه. میر: مخابن . کابرا: مخابن (چراکهی دهکوژێنێتهوه) رۆژ باش. میر: لای تۆ خۆش. کابرا: ئهم مرۆڤه گهورانه... میر: ههموو چون یهک نین.چاکیشیان تیا ههڵدهکهوێ... کابرا: وایه. میر: ئهستێرهی شهشهم ده ئهوهندهی ئهستێرهی پێنجهم بوو.لهوێ خانووبهرهی کابرایهکی پیری لێ بوو که کتێبی
قهبهقهبهی دهنووسي. (کابرا دهبێته نووسهرێکی پیر و له پشت مێزێک دادهنیشێ) میر: (لێ ی نزیک ئهبێتهوه و به ههناسه لێدان) سهلام! کابرا: سهر دیدم،ئهمیشه گهڕیدهیهکی خوێندهوار و زانیار! بڵێ بزانم له کوێوه هاتووی؟! میر: له ئهستێرهیهکی دوورهوه هاتووم دهکرێ بڵێن ئهم کتێبه گهوره چی یه و ئێوه لێره چ دهکهن؟ کابرا: کوڕم من جوغرافی زانم. میر: جوغرافی زان؟! یانی چی؟! کابرا: جوغرافی زان زانایهکه که دهزانێ زهریاکان و چۆمهکان و شارهکان و کێوهکان له کوێدان. میر: ئهمه زۆرسهرنج راکێشه، ئهمه ئیشێکی بهجێ و جووانه.(چاوێک له دهورو بهری دهخشێنێ) ئهستێرهکهی ئێوه ئێجگارخشپیلانهیه،ئاخۆ زهریای زۆری تیایه؟! کابرا: جا من چوزانم؟ میر: (بهلایهوه سهیره) ئهی کێو؟ کابرا: ئهویش نازانم. میر: شار و چۆم و دارستان چی؟ کابرا: ئهوانیش نازانم. میر: بهڵام ئێوه خۆ جۆغرافی زانن! کابرا: راسته، بهڵام خۆ من سۆراغی ئهوانه ناکهم.کهسێکیش شک نابهم که له دوی ئهمانه بگهڕێ وههواڵیانم باتێ. گهڕان وژمارده کردنی شارهکان وچۆمهکان و کێوهکان وزهریاکان و دارستانهکان و... هند کاری جۆغرافی زان نییه. پلهی جۆغرافی زان سهرتر لهوهیه که بڕوات و له دوی ئهمانه بگهڕێ.ئهو له ژووری کاری خۆی ناچێته دهر، بهڵکو گهڕیدهکان دێن بۆ لای و ئهو شتیان لێ دهپرسێ و بیرهوهریهکانیان دهنووسێ و ههگه بیرهوهري یهکێکیان بهڕای ئهو سهرنج راکێش بێ سهبارهت به چۆنایهتی بیروکردهوهی دهکۆڵێتهوه. میر: جابۆ سهبارهت به بیروکردهوهی؟! کابرا: چون ههگه گهڕیدهیهک درۆ بکات ههڵهی سهیرو سهمهڕ دهکهوێته ناو کتێبهکانی جۆغرافیا. ههروهها گهڕیدهیهک که عارهقی زۆر بخواتهوه. میر: ئهمیان بۆ؟! کابرا: چونکا مهستهکان یهک به دوو دهبینن.ئهو کاته جۆغرافی زان بۆ شوێنێک که تهنیا کێوێکی تیایه دوو کێو دهنووسێ. میر: من مرۆڤێک دهناسم که پێم اویه منی به دووان ئهدي... کابرا: سهیر نییه.کورت و موختهسهر وهختێ بیروکردهوهی گهڕیدهک باش بێ سهبارهت به بینراوهکانی دهکۆڵنهوه میر: یانی ئهڕۆن و به چاوی خۆ ئه یبینن؟ کابرا: نا. رۆیشتن و دیتن دهگمهنه.له گهڕیده داوا دهکهن که بهڵگه نیشان بدات.بۆ وێنه ههگه سهبارهت به کێوێکی بهرز قسه دهکات داوای لێدهکرێ که لهو کێوهوه بهردی گهوره بێنێ. راستي... تۆیش خۆ له ئهستێرهیهکی دوورهوه هاتووی،تۆ ئهشێ باسی ئهستێرهکهتم بۆ بکهی. (دهفتهری بیرهوهریهکانی دهردێنێ و میدادێک ئهتاشێ)بیرهوهریهکان به میداد دهنووسن وتاکاتێ که ناسێنهربهڵگهی نهبێ پاکنویسی ناکهن.دهی... دهس پێ بکه. میر: ئهستێرهکهی من جێ ی تاریف نییه.ئێجگار بچکۆڵانهیه، سێ کێوی ئاگر پژینی ههیه، دووانیان روشنن و یهکیان کوژاوهتهوه.بهڵام مرۆڤ چوزانێ... . کابرا: بهڵێ مرۆڤ چوزانێ. میر: من گوڵێکیشم ههیه. کابرا: ئێمه گوڵهکان نابژێرین. میر: بۆ؟ خۆ گوڵ رازاوهترین و جوانترین کاری سوروشته. کابرا: بۆ ئهوهی که گوڵ <فانی یه> میر: فانی یه؟ فانی یانی چی؟ کابرا: فانی یانی شتێ که زوو تیا چێ. میر: که واته گوڵهکهی منیش زوو تیا ئهچێ. کابرا: بهڵێ. میر: حهیف که گوڵهکهم فانی یه و بۆ داکۆکی له خۆ تهنیا چوار دڕک شک ئهبا و منیش به تهنێ جێم هێشتووه...(دڵی پڕ دهبێ) کابرا: کتێبهکانی جوغرافیا له ههموو کتێبهکانی تر به نرخ ترن چون ههرگیز ووتهکانیان کۆن نابێ وزۆرکهم روو ئهدا که کێوێ جێ بگۆڕێ ویاخۆ زهریایهک وشک بێ.ئهوهی بۆ ئێمه جێ قهیر و حورمهته ئهوشتهیه که نهگۆڕدرێت. میر: ههگه ئهمه رێسای جوغرافیا بێ، چهوتی له راست زۆرتره.(ئهروات) کابرا: ئهم مرۆڤه گهورانه میر: کهس تێ یان ناگات.(بێدهنگی) کابرا: ئهنجام. میر: ئهستێره حهوتهم ئێرهیه. کابرا: زهوي. میر: بهڵێ.ههرکه هاتم مارێکم دي.پرسیارم کرد:ئهی مرۆڤه کان له کوێن؟ مرۆڤ لهم سارا بهرینهدا ههست به تهنیایی دهکا. مار ووتی:مرۆڤ لهگهڵ مرۆڤهکانیشا ههست به تهنیایی دهکا. پێم ووت : تۆ چهن باریکی، وهک قامک باریکی . ووتی: بهڵام من له قامکی شا بههێزترم. ووتم : زۆریش به هێز نیت. تۆ پێ و پهنجهیشت نی یه، تهنانهت ناتووانی سهفهریش بکهی. ووتی: من ئهتووانم زۆر زوو تۆ بگوێزمهوه. من خۆ له کهسێک بخشێنم ئهیگهڕێنمهوه بۆ ئهو خاکهی که لێ ی هاتووه بهڵام تۆ خاوێنی و له ئهستێرهیهکی کهوه هاتووي. زگم پێت دهسووتێ،ههگه مهیلی گهڕانهوهت کرد من ئهتووانم یارمهتیت بدهم.باش تێ گهیشتم که چی دهڵێ بۆیه ووتم:زۆر باش تێگهیشتم. بهڵام تۆ بۆ له پهردهدا قسه دهکهی؟ووتی:من ههموو پهردهکان لادهدهم.پاشان رۆیشت و من به رێویهک گهیشتم لهگهڵی بوومه دۆست... کابرا: زۆر گهرمه... میر: چیت وت؟ کابرا: ووتم زۆر گهرمه.خۆزیا کهمێ ئاومان بووایێ... میر: رێویهکهی دۆستم. کابرا: لێ ی گهڕێ.باس باسی رێوی نییه. میر: بۆ؟ کابرا: بۆ ئهوهی که تینوویهتی خهریکه بمانخنکێنێ.له تینوویهتیا خهریکین ئهمرین. میر: چهن خۆشه که مرۆڤ تهنانهت له کاتی مردنیشا دۆستهکهی خۆی فهرامۆش نهکات. منزۆر پێ خۆشحاڵم که دۆستێکی وهک رێویم... (دهڕوانێته کابرا) منیش تینووم... وهره با له دوی ئاو بگهڕین. کابرا: رهنجمان به زایه ئهچێ... ئاو نادۆزینهوه. میر: دهس تێ نهدان و بهزین؟ وهره کابرا: با بڕۆین(رێ دهکهون)خهریکه شهو دێ به سهرا...ئهستێرهکان ئهدرهوشنهوه. میر: جووانیی ئهستێرهکان به هۆی گوڵێکهوهیه که دیار نییه.سارا چهن رازاوه و جووانه. کابرا: (لهبهرخۆیهوه) جووانه میر: ئهوهی سارا دهڕازێنێتهوه کانیاوێکه که نادیاره. کابرا: ئێ...ئێ...(بڕوا ناکات) بڕوانه... ئهو بیره... دۆڵچه و تهنافیشی لێ یه... میر: (پێدهکهنێ،دۆڵچهکه دهخاته ناو بیرهکه) بڕوانه. ئێمه بیرهکهمان له خهو ههستاند. کابرا: راوهسته قورسه.با یارمهتیت بهم.(دۆڵچهکه دێننه سهر) میر: من تینووی ئهم ئاوهم با نهختێ بخۆمهوه! (ئاو دهخواتهوه . کابرا له جهماوهر دێته پێش) کابرا: لهو ئاوهی خواردهوه ووتی: تۆ ئهبێ بگهڕێیتهوه بۆ لای فڕۆکهکهت بهڵکو چاکی کهی. من لێره تهمایهرتم. سبهینێ وهرهوه. منیش گهڕامهوه لای فڕۆکهکهم و فڕۆکهکهم چاک کردوگهرامهوه بۆ لای ئهو و دیتم که: (مارێک له بهرانبهر میره و میر لهگهڵی قسان دهکات.) میر: ئهی تۆ لهبیرت نهماوه؟ ههڵبهت لهم شوێنهدا نهبوو.نهختێ ئهولاتره. بهڵام رۆژهکهی ههر ئهو رۆژهیه. ژاری باشت پێ یه؟ زۆر ئازارم نهدهی.ترپهی پێدێ، بڕۆ.(مار دهخشێ و دهڕوات) کابرا: (کابرا باووش به میرا دهکات)ئهمه چ داستانێکه، ئێستا ئیتر لهگهڵ ماریشا قسه دهکهی؟ میر: دڵشادم که فڕۆکهکهت چاک بوهتهوه. کابرا: تۆ چوزانی؟ میر: منیش ئهمڕۆ دهگهڕێمهوه بۆ ماڵهکهی خۆم. کابرا: زۆر ترسای؟ میر: ئهمشهو زیاتر ئهترسێم. کابرا: بۆ؟ میر: تۆ شهوانه دهڕوانیته ئهستێرهکان، ئهستێرهکهی من بچووکتر لهوهیه که دیار بێت و بتووانم ئێستا پیشانت دهم و ههڵبهت وا چاتره.چون ئهستێرهکهی من بۆ تۆ دهبێته یهکێ له ئهستێرهکان و ئهو کاته تۆ پێت خۆشه بڕوانیته گشت ئهستێرهکان و گشت ئهستێرهکان دهبنه دۆستی تۆ. من ئهمهوێ چتێکت پێ بهم.(پێدهکهنێ) کابرا: زۆرم پێخۆشه پێکهنی. میر: منیش نیازم وایه ئهم خۆشیهت پێ ببهخشم. مرۆڤهکان گشتیان ئهستێرهیهکیان ههیه که وهک یهک نین، بۆ ئهوانهی که کاروانچین،رێ نیشاندهرن؛ بۆ ههندێ کهس چرای بچکۆڵهن. بۆ زانیارهکان دنیای شاراوهن، بۆ کابرای مالیک ئاڵتوونن بهڵام ئهستێرهکان له گشت حاڵدا بێدهنگن و تۆ ئهبی به خاوهنی ئهستێرههایهک که هیچکهس نیهتی. کابرا: مهبهستت چی یه؟ میر: کاتێ شهوانه دهڕوانیته ئاسمان،چون من له یهکێ لهو ئهستێرانهدا نیشتهجێم و پێدهکهنم ئهو سا لای تۆ وایه که گشت ئهستێرهکان پێدهکهنن (پێدهکهنێ) ئهمشهو ... ئهمشهو لهگهڵم مهیێ. کابرا: من تۆ به تهنێ جێ ناهێڵم. میر: ئهمشهو حاڵم تێک دهچێ، وهک کهسێ که بیهوێ بمرێ ههڵبهت ئهمه رواڵهتی رووداوه. کابرا: لهگهڵت دێم. میر: هۆشت بێ مارهکه نهت گهزێ. ههر چهن رای دووههم ژاری نییه. کابرا: یانی... میر: ئهبێ بڕۆم. بهڵام ئهوێ زۆر دووره، من ناتووانم ئهم لهشه لهگهڵ خۆ ببهم. زۆر قۆرسه.ههڵبهت ئهم لهشه وهک تۆیژێکی کۆن وایه که فڕێ ی بدهن. وهک چۆن مار کراژ ئهخات. مار ههرگیز بۆ کراژ نیگران نابێ... میر: ئهوهتا. گهیشتین،ئیزن بده تاقه ههنگاوێکت لێ دوور کهومهوه. کابرا: من... میر: گوێ راگره.گوڵهکهم...ئاخر من بهرپرسیاری ئهوم. زۆر ساکار و سینه سافه.جگه له چوار دڕکی بێ کهڵک هیچ شتێکی تر بۆ داکۆکی له خۆ شک نابات.(ههنگاوێک دوور ئهکهوێتهوه) میر: ئهوهتا... کۆتایی هات (مارهکه پێوهی ئهدا و دهڕوا.میر ئهکهوێت و ئهدرێ به عهرزا...) کابرا: راوهسته... (دهگاته سهر میر، ههڵدهستێ و روو له جهماوهر له سهر کهتهکه دادهنیشێ) مرۆڤ ههر خهمێکی بێ پاش ماوهیهک سوکنایی دێ. منیش سوکناییم هات. ههڵبهت تا ئێستایش میرهکهم فهرامۆش نهکردووه و له ههموو دهرفهتێک کهڵک وهردهگرم و دهڕوانمه ئهستێرهکان و زیاتر له گشت ئهستێرهکان ئهو ئهستێره پرشنگدارهی که زووتر له ههموویان ههڵدێت سهرنجم رادهکێشێ. ههڵبهت دهزانم که ئهوه ئهستێرهی میرهکهم نییه، بهڵام زۆر جار له خۆ پرسیار دهکهم ئاخۆ ئهو ئهستێره چهن میری تیا بێ؟ ئێوهش بڕواننه ئاسمان و ئهو پرسیاره له خۆ بکهن و بیر لهوه بکهنهوه که چوار دڕکی بێ کهڵک ئهبێ چ داکۆکیێ له گوڵ بکهن ئهو کاته تێ دهگهن که له خۆڕا ئهم چیرۆکهم بۆ نهگێڕاونهتهوه. ههر چهن پێم وایه که هیچ مرۆڤێکی گهوره ههرگیز تێ ناگات که ئهم مهسهله چهنێگرینگه..... کۆتایی خالید خاکی |